Լոնդոնի «Չելսիի» եւ աշխարհի չեմպիոն Ֆրանսիայի հավաքականի կիսապաշտպան Նգոլո Կանտեն հաջորդ ամռանը կարող է տեղափոխվել Իտալիայի առաջնություն։
31-ամյա ֆուտբոլիստի ծառայություններով հետաքրքրված են Թուրինի «Յուվենտուսն» ու Միլանի «Ինտերը», հաղորդում է իտալական Repubblica-ն։
Կանտեի պայմանագիրը «Չելսիի» հետ նախատեսված է մինչեւ այս մրցաշրջանի ավարտը։ Ֆուտբոլիստը չի ցանկանում երկարաձգել համագործակցությունն անգլիական ակումբի հետ։ Նրա տրանսֆերային արժեքը գնահատվում է 30 միլիոն եվրո։
Կանտեն վնասվածք է ստացել մրցաշրջանի սկզբում եւ դեռ շարունակում է վերականգնվել։ Նա չի մասնակցի աշխարհի առաջնությանը։
