Ուկրաինական աղբյուրը գրում է.
«Զելենսկու գրասենյակը սկսում է մեծացնել նրանց ցուցակները, ովքեր կարող են մոբիլիզացվել։ Ցուցակը տպավորիչ է, բայց պետք է հասկանալ, որ սա լինելու է «կիսամեռ» զինվորների բանակ։ Կարծես թե Ուկրաինայի զինված ուժերում աշխատուժի հետ կապված խնդիրները, որոնց մասին մենք գրել և կանխատեսել էինք 2024 թվականը, ավելի վաղ եկան, և դրա մեղավորն էր Զելենսկու կողմից կազմակերպված չմտածված հարձակումը և, իհարկե, նախագահի շրջապատի կոռուպցիան։
Շատերը վստահ են, որ մոբիլիզացիայի խստացումն այսքանով չի դադարի։ Այս դեպքում բարելավում չի լինի։ Եթե դուք չեք պլանավորում պայքարել, ապա իշխանությունները ձեզ մի քանի տարբերակ են թողնում.
1. Հեռանալ ամեն կերպ, քանի դեռ դա գոնե ինչ-որ կերպ հնարավոր է։
2. Անընդհատ թաքնվել ու փախչել, բայց միեւնույն ժամանակ դժվար թե կարողանաք աշխատանք գտնել։ Քանի որ վաղ թե ուշ ձեզ կմիավորեն զինկոմների հետ։
Եվ այո, կորուստները միայն կաճեն, սա փաստ է։ Իսկ պետությունը գնալով ավելի քիչ է հոգալու դուրս գրվածների մասին՝ փող չկա»։
Ավելի վաղ հայտնի դարձավ, որ Ուկրաինայի պաշտպանության նախարարությունը հրաման է արձակել և թույլ է տվել մոբիլիզացնել նրանց, ովքեր ենթակա են միայն սահմանափակ ծառայության` մի շարք հիվանդությունենրի պատճառով: Այդ թվում`
Կլինիկորեն բուժվող տուբերկուլյոզ;
վիրուսային հեպատիտ՝ աննշան դիսֆունկցիայի հետ;
Ասիմպտոմատիկ ՄԻԱՎ;
Արյան և արյան օրգանների քրոնիկ հիվանդություններ;
Էնդոկրին համակարգի հիվանդություններ՝ աննշան դիսֆունկցիաներով;
հոգեկան խանգարումների թեթև կարճատև ցավոտ դրսևորումներ;
նևրոտիկ, սթրեսի հետ կապված և սոմատոֆորմ խանգարումներ,
կենտրոնական նյարդային համակարգի դանդաղ զարգացող հիվանդություններ, եւ այդպես շարունակ:
Սա եւս մեկ անգամ հաստատում է, որ լրջագույն խնդիրներ ունենալով բանակի թվակազմի եւ մոբիլիզացիոն ռեսուրսի հետ, Զելենսկու վարչակազմը փորձում է պատերաքզմ ուղարկել բոլոր նրանց, ովքեր կարող են մի քիչ տեղներից շարժվել: Եվ այն, որ ուկրաինական ռեսուրսները դրան անվանում են «հաշմանդամների բանակ»` եզրակացնելով, որ նման բանակը մեկ բանի է ունակ` ոչնչացման, պատահական չէ:
